Erik ten Xag "Manchester Yunayted" futbolchilarining "Liverpul"ga qarshi o‘yindan so‘ng (0:7) ruhiy holatidan xavotirda.

Daily Mail nashrining o‘z manbasiga tayanib xabar berishicha, mag‘lubiyatning ertasiga murabbiy “Manchester Yunayted” futbolchilariga “Liverpul” bilan o‘yindan parchalarni ko‘rsatgan. O‘yin to‘liq ko‘rib chiqilmagan.

Ten Xag futbolchilar bilan qisqa suhbatlashdi, biroq muloqot jarayonida ularni hech narsada ayblamadi. Suhbatning asosiy mavzusi qayta tiklash edi. "Bo‘lgan voqea bu mavsumda qilgan yaxshi ishimizni barbod qilmadi"- deyilgan ten Xag.

Erikning aytishicha, "Manchester Yunayted" futbolchilari vaziyatni to‘g‘irlash uchun "chanqoq" bo‘lishlari kerak. Murabbiy depressiv holatga tushib qolmaslik va o‘ziga bo‘lgan ishonchni yo‘qotmaslik qanchalik muhimligi haqida ham gapirdi.

Hozir ten Xag uchun eng muhim rolni futbolchilarning shunday alamli mag‘lubiyatdan keyingi psixologik holati o‘ynaydi. Shu bilan birga, murabbiyning mavsum boshida "Brentford"dan mehmonda 0:4 hisobidagi mag‘lubiyatga bo‘lgan munosabati butunlay boshqacha edi. Keyin dam olish kunlarida ten Xag o‘yinchilarni 13,8 km yugurishga majbur qildi.