Hujumchi Xatem Ben Arfa "ma’naviy ta’qib" uchun "PSJ"ga qarshi sudda g‘alaba qozondi. U ish haqi va ma’naviy zarar uchun 100 ming yevro tovon puli oladi.
Ben Arfa 2016 yildan 2018 yilgacha "PSJ" o‘yinchisi bo‘lgan. 2017 yilning aprelidan 2018 yilning iyunigacha bo‘lgan davrda u parijliklarning asosiy jamoasidan chetlatildi va buni adolatsizlik deb hisobladi. Fransiyalik futbolchi Parij klubidan shartnomaga rioya qilmagani uchun 7 milliondan 8 million yevrogacha tovon puli talab qildi.
"PSJ" safida Ben Arfa barcha musobaqalarda 32 ta o‘yin o‘tkazib, 4 ta gol urdi va 7 ta golli uzatmani amalga oshirdi.
