Ҳужумчи Хатем Бен Арфа "маънавий таъқиб" учун "ПСЖ"га қарши судда ғалаба қозонди. У иш ҳақи ва маънавий зарар учун 100 минг евро товон пули олади.
Бен Арфа 2016 йилдан 2018 йилгача "ПСЖ" ўйинчиси бўлган. 2017 йилнинг апрелидан 2018 йилнинг июнигача бўлган даврда у парижликларнинг асосий жамоасидан четлатилди ва буни адолатсизлик деб ҳисоблади. Франциялик футболчи Париж клубидан шартномага риоя қилмагани учун 7 миллиондан 8 миллион еврогача товон пули талаб қилди.
"ПСЖ" сафида Бен Арфа барча мусобақаларда 32 та ўйин ўтказиб, 4 та гол урди ва 7 та голли узатмани амалга оширди.