Darvozabon Yan Oblak yaqin kelajakda "Atletiko"ni tark etishi mumkin. Madrid klubi hozirda yaxshi moliyaviy ahvolda emas va 30 yoshli sloveniyalik darvozabonning sotilishi "matraschilar"ga katta yordam berishi mumkin. Oblak 80-90 million yevro atrofida sotilishi mumkin.
Todofichajes xabariga ko‘ra, "Atletiko" Xorvatiya terma jamoasi safida jahon chempionatida o‘ynagan Dominik Livakovichni Yan Oblak o‘rniga o‘rinbosar sifatida ko‘rmoqda. 28 yoshli darvozabonni qo‘lga kiritish uchun "matraschilar" Zagrebning "Dinamo"siga 15-20 million yevro to‘lashlari kerak bo‘ladi.
Qo‘shimcha qilamizki, "Atletiko" hozirda Ispaniya chempionati turnir jadvalida uchinchi o‘rinni egallab turibdi.