Дарвозабон Ян Облак яқин келажакда "Атлетико"ни тарк этиши мумкин. Мадрид клуби ҳозирда яхши молиявий аҳволда эмас ва 30 ёшли словениялик дарвозабоннинг сотилиши "матрасчилар"га катта ёрдам бериши мумкин. Облак 80-90 миллион евро атрофида сотилиши мумкин.
Todofichajes хабарига кўра, "Атлетико" Хорватия терма жамоаси сафида жаҳон чемпионатида ўйнаган Доминик Ливаковични Ян Облак ўрнига ўринбосар сифатида кўрмоқда. 28 ёшли дарвозабонни қўлга киритиш учун "матрасчилар" Загребнинг "Динамо"сига 15-20 миллион евро тўлашлари керак бўлади.
Қўшимча қиламизки, "Атлетико" ҳозирда Испания чемпионати турнир жадвалида учинчи ўринни эгаллаб турибди.
