"Roma" bosh murabbiyi Joze Mourinyo Yevropa ligasi 1/8 finalida "Real Sosyedad"ga qarshi birinchi o‘yindan oldingi fikrlari bilan o‘rtoqlashdi.

"Real Sosyedad" ajoyib jamoa. Rostini aytsam, ularda biron bir zaif tomonlarni topish qiyin. Alguasil juda yaxshi murabbiy. Bu jamoaga gol urish oson bo‘lmaydi. Ularning jamoasida texnik jihatdan ajoyib futbolchilar ham bor.

Ularning La Ligada uchta gigantdan keyin to‘rtinchi o‘ringa borishi ko‘p narsani aytadi. Bu juda yuqori sifatli jamoa. Bizga qur’a omad kulib boqmadi, lekin Yevropa Ligasi kabi yuqori darajadagi turnirda bu hech qachon oson bo‘lmaydi. Biroq, biz ularga qanday hurmat qilsak, ular ham bizga shunday hurmat bilan munosabatda bo‘lishadi" - dedi Mourinyo.

Jamoalar o‘rtasidagi ilk o‘yin 9 mart kuni Rimda bo‘lib o‘tadi. Uchrashuv Toshkent vaqti bilan 22:45 da boshlanadi.