"Рома" бош мураббийи Жозе Моуриньо Европа лигаси 1/8 финалида "Реал Сосьедад"га қарши биринчи ўйиндан олдинги фикрлари билан ўртоқлашди.
"Реал Сосьедад" ажойиб жамоа. Ростини айтсам, уларда бирон бир заиф томонларни топиш қийин. Альгуасиль жуда яхши мураббий. Бу жамоага гол уриш осон бўлмайди. Уларнинг жамоасида техник жиҳатдан ажойиб футболчилар ҳам бор.
Уларнинг Ла Лигада учта гигантдан кейин тўртинчи ўринга бориши кўп нарсани айтади. Бу жуда юқори сифатли жамоа. Бизга қуръа омад кулиб боқмади, лекин Европа Лигаси каби юқори даражадаги турнирда бу ҳеч қачон осон бўлмайди. Бироқ, биз уларга қандай ҳурмат қилсак, улар ҳам бизга шундай ҳурмат билан муносабатда бўлишади" - деди Моуриньо.
Жамоалар ўртасидаги илк ўйин 9 март куни Римда бўлиб ўтади. Учрашув Тошкент вақти билан 22:45 да бошланади.
