"Chelsi" Madridning "Atletiko" klubi hujumchisi Joau Feliksni sotib olmoqchi.
23 yoshli futbolchi tezda "Stemford Bridj"da o‘zini namoyon qildi va "ko‘klar" avvalroq portugaliyalikning to‘liq transferiga qiziqish bildirgan edi. Record xabariga ko‘ra, "Chelsi" endi yakuniy qarorga keldi, klub Feliksni yozda qo‘lga kiritish uchun qo‘lidan kelganini qiladi.
Joau Feliks London jamoasi tarkibida oltita o‘yin o‘tkazib, bitta gol urdi. Transfermarkt uning bozor narxini 50 million yevroga baholagan.