"Челси" Мадриднинг "Атлетико" клуби ҳужумчиси Жоау Феликсни сотиб олмоқчи.
23 ёшли футболчи тезда "Стемфорд Бридж"да ўзини намоён қилди ва "кўклар" аввалроқ португалияликнинг тўлиқ трансферига қизиқиш билдирган эди. Record хабарига кўра, "Челси" энди якуний қарорга келди, клуб Феликсни ёзда қўлга киритиш учун қўлидан келганини қилади.
Жоау Феликс Лондон жамоаси таркибида олтита ўйин ўтказиб, битта гол урди. Transfermarkt унинг бозор нархини 50 миллион еврога баҳолаган.