«Nyukasl» bosh murabbiyi Eddi Xau yarim himoyachi Bruno Gimaraysh haqida fikr bildirdi.
«U juda muhim futbolchi. Jamoamizga nazar tashlasangiz, uning betakror futbolchi ekanligini ko‘rasiz.
To‘pni qabul qilish uslubi, texnikasi, o‘yinni ko‘rishi bilan o‘ziga xos xarakterga ega. Uning xatti-harakati yuqori darajada. U ajoyib fazilatlarga ega va men uning bu yerda uzoq vaqt qolishini istayman», — dedi Xau.
Gimaraysh 2022 yildan beri «Nyukasl»da to‘p tepadi. 25 yoshli braziliyalik futbolchining jamoa bilan shartnomasi 2026 yilning iyuniga qadar tuzilgan. Transfermarkt portali futbolchining narxini 60 million yevroga baholamoqda.
2022/23 yilgi mavsumda Gimaraysh 26 uchrashuvda maydonga tushib, 4 ta gol urdi va 3 ta golli uzatmani amalga oshirdi.
