"Arsenal" bosh murabbiyi Mikel Arteta hujumchi Gabriel Jezusning ahvoli haqida gapirdi. Braziliyalik futbolchi jahon chempionatida tizzasidan jarohat olganidan beri maydonga tushmayapti.
“Biz Jezus borasida shoshilmaymiz. Biz unga qulay bo‘lgan vaqtda tarkibdan joy topishga harakat qilamiz. Shuningdek, jamoaga yaqin haftalarda albatta kerak bo‘ladigan tezlikni ham hisobga olishimiz kerak.
Hammasi yaxshi ketmoqda, lekin Jezusga o‘ziga ishonch va raqobatga tayyor bo‘lishi uchun vaqt kerak”, dedi Arteta football.london nashriga.
"Arsenal" ayni vaqtda Premyer-ligada peshqadam bo‘lib turibdi.
