"Арсенал" бош мураббийи Микель Артета ҳужумчи Габриэль Жезуснинг аҳволи ҳақида гапирди. Бразилиялик футболчи жаҳон чемпионатида тиззасидан жароҳат олганидан бери майдонга тушмаяпти.
“Биз Жезус борасида шошилмаймиз. Биз унга қулай бўлган вақтда таркибдан жой топишга ҳаракат қиламиз. Шунингдек, жамоага яқин ҳафталарда албатта керак бўладиган тезликни ҳам ҳисобга олишимиз керак.
Ҳаммаси яхши кетмоқда, лекин Жезусга ўзига ишонч ва рақобатга тайёр бўлиши учун вақт керак”, деди Артета football.london нашрига.
"Арсенал" айни вақтда Премьер-лигада пешқадам бўлиб турибди.