“Liverpul” hujumchisi Darvin Nunyes jamoaning fevral oyidagi eng yaxshi futbolchisi deb topildi, deb xabar beradi ingliz klubi rasmiy sayti.

Forvard muxlislar o‘rtasida ovoz berishda birinchi o‘rinni egalladi. Sovrin uchun kurashda u himoyachi Stefan Baychetich va hujumchi Muhammad Salohni ortda qoldirdi. O‘tgan oy urugvaylik futbolchi to‘rtta o‘yinda qatnashib, ikkita gol urdi va bitta golli uzatmani amalga oshirdi.

23 yoshli Nunyes joriy mavsumda “Liverpul” safida barcha turnirlarda 31 ta o‘yinda maydonga tushib, 14 ta gol urdi va 4 ta golga assistentlik qildi. Uning klub bilan shartnomasi 2028 yilning yoziga qadar mo‘ljallangan.