“Ливерпуль” ҳужумчиси Дарвин Нуньес жамоанинг феврал ойидаги энг яхши футболчиси деб топилди, деб хабар беради инглиз клуби расмий сайти.

Форвард мухлислар ўртасида овоз беришда биринчи ўринни эгаллади. Соврин учун курашда у ҳимоячи Стефан Байчетич ва ҳужумчи Муҳаммад Салоҳни ортда қолдирди. Ўтган ой уругвайлик футболчи тўртта ўйинда қатнашиб, иккита гол урди ва битта голли узатмани амалга оширди.

23 ёшли Нуньес жорий мавсумда “Ливерпуль” сафида барча турнирларда 31 та ўйинда майдонга тушиб, 14 та гол урди ва 4 та голга ассистентлик қилди. Унинг клуб билан шартномаси 2028 йилнинг ёзига қадар мўлжалланган.