"Liverpul" hujumchisi Roberto Firmino "Barselona"ga o‘tishga tayyor.
Braziliyalik futbolchi joriy mavsumni "Liverpul"da yakunlaydi, shundan so‘ng u erkin agentga aylanadi. Sport xabariga ko‘ra, 31 yoshli futbolchi allaqachon kelajak uchun klub izlamoqda va yaqinda "Barselona"ga o‘z xizmatlarini taklif qilgan. Avvalroq matbuotda “ko‘k-anorranglilar” hujumchi bilan shartnoma imzolashga qiziqish bildirayotgani haqida xabarlar tarqalgan edi.
Roberto Firminoga "An-Nasr", "Inter", "Yuventus" va "Internasyonal" ham qiziqish bildirmoqda. Futbolchi 2015 yilda "Liverpul"ga kelganidan beri 354 o‘yinda 108 gol va 79 golga assistentlik qilgan.