“Chelsi” 21 asrning eng yirik klublaridan biri hisoblanadi. Roman Abramovich jamoani sotib olganidan so‘ng ko‘plab turnirlarda g‘alaba qozondi. Shu davr ichida klubda nomi chiqqan futbolchilar harakat qilishdi. Bugun sizning e’tiboringizga “Chelsi”da dovrug‘I chiqmagan yulduzlarni havola etamiz.
Rikardo Kuarejma (Portugaliya)
“Portu”da nom qozongan vinger 2008/2009 yilgi mavsumning ikkinchi yarmini “Inter”dan ijara asosida “Chelsi”da o‘tkazdi. Premyer-ligada u hech narsa bilan esda qolmadi: to‘rtta o‘yin - 0 gol.
Radamel Falkao (Kolumbiya)
"Chelsi" kolumbiyalik to‘purarni 2015/2016 yilgi mavsumda "Monako"dan ijaraga olgan, biroq u Premyer-liganing 10 o‘yinida atigi bir marta gol urgan.
Andre Shyurrle (Germaniya)
“Chelsi” futbolchisi sifatida u 2014 yilgi jahon chempionatida g‘olib chiqdi. “Ko‘klar” bilan bir yarim mavsum davomida hujumchi Premyer-liganing 44 o‘yinida 11 ta gol urdi. 2020 yil iyul oyida Shyurrle nafaqaga chiqqanini e’lon qildi, bunga uning sog‘lig‘idagi muammolar ta’sir qildi.
Jiri Yarosik (Chexiya)
2005 yilning qishida "Chelsi" chexni SSKAdan 8 million yevroga sotib oldi. Tayanch yarim himoyachisi bir yarim mavsumni klubda o‘tkazdi, Premyer-ligada bor-yo‘g‘i 14 ta o‘yin o‘tkazdi.
Aleksandro Pato (Braziliya)
Kelajagi buyuk bo‘lishi kutilgan bu hujumchining jiddiy faoliyati aslida 2013 yilda Milanda yakuniga yetgan. "Chelsi"da "Korintians"dan ijaraga olingan Pato 2015/2016 yilgi mavsumning ikkinchi yarmini o‘tkazdi va Premyer-liganing ikkita o‘yinida ishtirok etdi.
Gonsalo Iguain (Argentina)
2019 yilning qishida “Chelsi” “Yuve”dan super to‘purarni ijaraga oldi. U endi avvalgidek emas edi: Premyer-ligada yarim mavsumda 14 uchrashuv va beshta gol.
Manishe (Portugaliya)
“Chelsi” bu yarim himoyachini 2006 yilning qishida Moskvaning “Dinamo”sidan ijaraga olgandi. Premyer-ligada u bor-yo‘g‘i sakkizta o‘yin o‘tkazdi va shundan so‘ng "Atletiko"ga jo‘nab ketdi.
Deko (Portugaliya)
2008 yilning yozida "Chelsi" yarim himoyachini "Barsa"dan 10 million yevroga sotib oldi. Ikki mavsumda Deko Premyer-ligada 43ta o‘yin o‘tkazib, 5ta gol urdi.
Yossi Benayun (Isroil)
Bu yarim himoyachi 2010 yilning yozida “Liverpul”dan “Chelsi”ga o‘tgan edi. U uch yarim mavsumda ikki marta ijaraga berilgan va “ko‘klar” safida APLda bor-yo‘g‘i 14 o‘yin o‘tkazgan va bitta gol urgan.
