Superliga 2-turi doirasidan «Metallurg» ustidan qozonilgan g‘alabadan so‘ng (3:0) «Navbahor» bosh murabbiyi Samvel Babayan o‘z fikrlarini bildirib o‘tdi.

“O‘yin nisbatan osonroq kechganiga qaramay, so‘nggi daqiqalargacha muxlislarga yoqadigan kombinasion, aniq va chiroyli futbol namoyish etishgani uchun futbolchilarga ham rahmat aytmoqchiman.

Bizning oldimizga qo‘yilgan joriy mavsumdagi talab o‘tgan mavsumdagidan hech qanday farq qilmaydi. Yagona farq shuki, «Navbahor»ning hozirgi tarkibidagi ijrochilar mashg‘ulotlarda ham, o‘yin paytida ham biz bergan ko‘rsatmalarni aniq bajara oladi. Taktik sxemalarga keladigan bo‘lsak, jamoa himoyada ham, hujumda ham birdek yaxshi o‘ynashi kerak.

Biz syurpriz qiladigan jamoa emasmiz. Biz muxlislarimizni xursand qiladigan va natija ko‘rsatadigan jamoamiz”, – dedi mutaxassis.