"Atalanta" bosh murabbiyi Jan Pyero Gasperini "Napoli"ga qarshi o‘yindagi mag‘lubiyat (0:2) haqida fikr bildirdi.

"Biz o‘z o‘yinimizni o‘tkazdik, yaxshi himoyalandik, ammo qarshi hujumlarda bir qancha xatolarga yo‘l qo‘ydik. Umuman olganda, jamoa yaxshi o‘ynadi, ammo bunday uchrashuvlar taqdirini mayda detallar hal qiladi. Istalgan natijani qo‘lga kiritish imkoniyatidan bahramand bo‘lmoqchi edik, ammo uni qo‘ldan boy berdik.

Oldinda yana 12 ta o‘yin bor, undan ko‘nglim to‘ldimi yoki yo‘qligini mavsum oxirida aytaman. Oxirgi haftalarda ochko yo‘qotdik, ammo "Napoli"ga qarshi o‘yinda ham katta viqor va jasorat bilan o‘ynay olishimizni isbotladik. Men o‘z futbolchilarimdan shuni so‘rayman" - dedi Gasperini DAZN nashriga.

"Atalanta" A Seriyada 6-o‘rinda bormoqda. Keyingi o‘yin 17 mart kuni o‘z maydonida "Empoli"ga qarshi o‘tkaziladi.