"Аталанта" бош мураббийи Жан Пьеро Гасперини "Наполи"га қарши ўйиндаги мағлубият (0:2) ҳақида фикр билдирди.
"Биз ўз ўйинимизни ўтказдик, яхши ҳимояландик, аммо қарши ҳужумларда бир қанча хатоларга йўл қўйдик. Умуман олганда, жамоа яхши ўйнади, аммо бундай учрашувлар тақдирини майда деталлар ҳал қилади. Исталган натижани қўлга киритиш имкониятидан баҳраманд бўлмоқчи эдик, аммо уни қўлдан бой бердик.
Олдинда яна 12 та ўйин бор, ундан кўнглим тўлдими ёки йўқлигини мавсум охирида айтаман. Охирги ҳафталарда очко йўқотдик, аммо "Наполи"га қарши ўйинда ҳам катта виқор ва жасорат билан ўйнай олишимизни исботладик. Мен ўз футболчиларимдан шуни сўрайман" - деди Гасперини DAZN нашрига.
"Аталанта" А Серияда 6-ўринда бормоқда. Кейинги ўйин 17 март куни ўз майдонида "Эмполи"га қарши ўтказилади.
