“Aston Villa” klubi markaziy hujumchisi Olli Uotkins Angliya Premyer-ligasining top-klublaridan biri e’tiboriga tushdi.
Todofichajes xabariga ko‘ra, 27 yoshli britaniyalik transferiga Londonning "Arsenal" klubi qiziqmoqda. Uotkins "sherlar" bilan muvaffaqiyatli mavsum o‘tkazmoqda. U Premyer-liganing 24 o‘yinida 8 gol va to‘rtta golli uzatmani amalga oshirdi.
"Kanonirlar" kelasi yozda futbolchi uchun transfer taklifi bilan chiqishga tayyor. Uning narxi 32 million yevroga baholangan va "Aston Villa" bilan shartnomasi 2025 yilgacha mo‘ljallangan.