“Астон Вилла” клуби марказий ҳужумчиси Олли Уоткинс Англия Премьер-лигасининг топ-клубларидан бири эътиборига тушди.
Todofichajes хабарига кўра, 27 ёшли британиялик трансферига Лондоннинг "Арсенал" клуби қизиқмоқда. Уоткинс "шерлар" билан муваффақиятли мавсум ўтказмоқда. У Премьер-лиганинг 24 ўйинида 8 гол ва тўртта голли узатмани амалга оширди.
"Канонирлар" келаси ёзда футболчи учун трансфер таклифи билан чиқишга тайёр. Унинг нархи 32 миллион еврога баҳоланган ва "Астон Вилла" билан шартномаси 2025 йилгача мўлжалланган.