Lionel Messining "Barselona"ga qaytishi keyingi transfer oynasidagi katta o‘tish bo‘lishi mumkin. Imkoniyatlar past bo‘lishiga qaramay (asosan Kataloniya klubida maosh bilan bog‘liq muammolar tufayli), insayderlarning hech biri bu shartnomani inkor etmayapti.

Quyida Xavi Leo bilan foydalanishi mumkin bo‘lgan ikkita taktikani ko‘rib chiqamiz.

Birinchisi klassik: 4-3-3, bu sxemada Messi hujumkor sakkizlik rolida.

Ikkinchisi gibrid. To‘pga egalik qilish bosqichida sxema 3-2-2-3 bo‘ladi, bu Xaviga juda yoqadi. Balde yuqori pozisiyada, Pedri va de Yong yarim himoyada hamda markaziy himoyachilar triosi.

Mana, Xavi qo‘l ostida "Barsa" hujumda foydalanadigan 3-2-2-3 sxemasi.

Bu tarkibdagi yaqqol muammo shundaki, Messi pressing o‘tkazmaydi, agar u yarim himoyada o‘ynasa, bu yanada ko‘proq muammoga aylanadi. Buning o‘rnini bosish uchun uning atrofidagi o‘yinchilar ko‘proq harakat qilishlari kerak, aks holda Xavi jamoasining markazidan o‘tib ketish raqiblarga juda oson bo‘lishi mumkin.

Bu o‘zgarish mudofaa jamoalariga qarshi ishlashi mumkin, ammo yuqori intensivlikdagi jamoalarga qarshi juda xavfli bo‘ladi. Biroq bunday o‘yinlarda Messidan o‘ng qanot hujumida ham foydalanish mumkinligini eslab o‘tish lozim.