"Inter" o‘ng qanot himoyachisi Denzel Dyumfrisga yana "Manchester Yunayted" qiziqish bildirmoqda.

"Qizil iblislar" o‘tgan yozda 26 yoshli futbolchiga da’vogarlar qatoriga kiritilgandi, ammo keyin bu yangilik haqida gapirilmadi. Ilgari "Inter" lateral uchun taxminan 50 million yevro talab qilgan bo‘lsa, hozir ular 40 millionga yaqin mablag‘ evaziga u bilan xayrlashishga tayyor, bu esa potensial xaridorlarni ko‘payishiga sabab bo‘ldi. Goal xabariga ko‘ra, "Manchester Yunayted" niderlandiyalik futbolchining transferi ustida ishlashni qaytadan boshlagan. Futbolchi uchun kurashda Manchester grandining asosiy raqibi Londonning “Chelsi” jamoasi hisoblanadi.

Denzel Dyumfris joriy mavsum “Inter” safida 31 o‘yinda maydonga tushib, 2 ta gol urdi va 6 ta golli uzatmani amalga oshirdi. Transfermarkt ma’lumotlariga ko‘ra, uning narxi 28 million yevroni tashkil qiladi.