"Интер" ўнг қанот ҳимоячиси Дензел Дюмфрисга яна "Манчестер Юнайтед" қизиқиш билдирмоқда.

"Қизил иблислар" ўтган ёзда 26 ёшли футболчига даъвогарлар қаторига киритилганди, аммо кейин бу янгилик ҳақида гапирилмади. Илгари "Интер" латерал учун тахминан 50 миллион евро талаб қилган бўлса, ҳозир улар 40 миллионга яқин маблағ эвазига у билан хайрлашишга тайёр, бу эса потенциал харидорларни кўпайишига сабаб бўлди. Goal хабарига кўра, "Манчестер Юнайтед" нидерландиялик футболчининг трансфери устида ишлашни қайтадан бошлаган. Футболчи учун курашда Манчестер грандининг асосий рақиби Лондоннинг “Челси” жамоаси ҳисобланади.

Дензел Дюмфрис жорий мавсум “Интер” сафида 31 ўйинда майдонга тушиб, 2 та гол урди ва 6 та голли узатмани амалга оширди. Transfermarkt маълумотларига кўра, унинг нархи 28 миллион еврони ташкил қилади.