Ma’lum qilganimizdek, ayni kunlarda Mo‘g‘ulistonda xokkey bo‘yicha yoshlar o‘rtasida Osiyo chempionati bo‘lib o‘tmoqda. Unda ishtirok etayotgan O‘zbekiston terma jamoasi 2-turdan so‘ng yetakchiga aylandi.

Terma jamoamiz dastlab Turkmanistonni 5:0 hisobida mag‘lub etgandi. Kecha Eron bilan bahs olib borgan yigitlarimiz 14:1 hisobida g‘alaba qozonishdi. Shu tariqa, 6 ochko jamg‘argan jamoamiz shaybalar nisbatiga ko‘ra peshqadamga aylanib oldi.

Bugun musobaqada dam olish kuni. 3-turda hamyurtlarimiz dastlabki ikki o‘yinda g‘alaba qozongan mezbonlarga qarshi bahs olib borishadi. Yana bir ahamiyatli tomoni, musobaqa davomida 6 bor raqib darvozasini ishg‘ol qilgan va yana shuncha assist muallifiga aylangan yurtdoshimiz Jasurbek Rustamxonov 2 turdan so‘ng eng yaxshi snayper bo‘lib turibdi.

1-tur. O‘zbekiston – Turkmaniston - 5:0
2-tur: O‘zbekiston – Eron 14:1

14.03.2023
3-tur: Mo‘g‘uliston – O‘zbekiston