«Arsenal» bosh murabbiyi Mikel Arteta «Fulxem»ni 3:0 hisobida mag‘lub etganidan keyin chempionlik uchun kurash haqida gapirdi.

«Manchester Siti» ko‘rsatayotgan bosim bizga ta’sir qilyaptimi? Ayta olmayman. Biz konsentrasiyani saqlab qolish uchun jamoada ko‘p muloqot qilamiz.

Jamoa mashg‘ulotlarda astoydil harakat qilmoqda va bundan ham yaxshiroq bo‘lishni xohlaydi. Maqsadimiz shu, oldinda hali ko‘p o‘yinlar bor», - deya ispaniyalik mutaxassisning so‘zlarini keltiradi Football London.

Angliya chempionatining 27-turidan keyin «Arsenal» 66 ochko jamg‘arib, turnir jadvalida peshqadamlik qilmoqda. «Kanonirlar» «Manchester Siti»dan 5 ochko oldinda.