1. Kevin De Bryuyne – "Manchester Siti" (78 ta)

So‘nggi yillarda chempion bo‘layotgan jamoaning "miyasi" ham har yilgidek ishlamoqda. Belgiya terma jamoasi sardori jori1 mavsumda, APLda 78 ta golli vaziyatlar yaratdi. Kevinning hisobida 12 ta assist mavjud.

2. Kiran Trippyer – "Nyukasl" (72 ta)

Bu mavsumda "Nyukasl"ni qaytadan kashf etayotgandekmiz, go‘yo. Bu jamoa Eddi Xau qo‘lida butunlay transformasiya bo‘ldi. Tarkibdagi futbolchilarning natijalari ham ajoyib. Ular ichida Angliya terma jamoasi a’zosi bo‘lgan Trippyer ajralib turadi. Uning hisobida 5 ta assist bor.

3. Brunu Fernandesh – "MYU" (71 ta)

"Lester Siti"ga qarshi g‘alabali bahsda portugaliyalik tomonidan 9 ta(!) golli vaziyat yaratilgandi. Fernandesh Ronaldudan keyingi mavsumda, yashnamoqda. Yarim himoyachi "MYU"ning motoriga aylangan.

4. Martin Edegor – "Arsenal" (61 ta)

"Aston Villa" bilan o‘yinda Edegor 7 ta imkoniyatga mualliflik qilgandi. Norvegiya terma jamoasi sardori bu mavsumni fantastik o‘tkazmoqda. Martin kecha ham o‘z hisobiga gol yozib qo‘ya oldi ("Fulxem" bilan bahsda).

5. Bukayo Saka – "Arsenal" (58 ta)

Saka so‘nggi mavsumlarda klass jihatidan top-futbolchiga aylandi. Hujumchi "Arsenal"dan tashqari Angliya termasida ham yorqin yulduzga aylangan. Saka "Bornmut"ga qarshi kambek g‘alabada 3 ta golli vaziyat yaratgan edi.

6. Jeyms Uord-Prouz – "Sautgempton" (57 ta)

Agarda yaqin tarix ichida "Sautgempton" uchun eng foydali futbolchi kim degan savol berilsa, deyarli bir xil javob beriladi. Uord-Prouz "avliyolar" safida jamoani harakatlantiruvchi kuchga aylangan.

7. Andreas Perreyra – "Fulxem" (56 ta)

Qaysi nom ekanini esladingiz-a? Bir paytlar "Manchester Yunayted" safida odamlar kulgisiga qolgan futbolchi, yana APLga qaytdi. Perreyra o‘z darajasini "Fulxem"da ko‘rsatib qo‘ydi. 56 ta golli vaziyat yaratishda Adreasning xizmatlari bor.

8. Trent Aleksander-Arnold – "Liverpul" (48 ta)

Bir necha mavsum oldin pik darajada bo‘lgan himoyachi, joriy mavsumda o‘ziga o‘xshamayotir. Shunga qaramay, Trent zamona trendidan ortda qolayotgani yo‘q. Mersisaydliklar yulduzi, jamoasi uchun ko‘plab vaziyatlar yaratdi. Shunga qaramay, uning hisobida bor-yo‘g‘i 2 ta assist bor xolos.

9. Paskal Gross – "Brayton" (48 ta)

Nemis futbolchisi 31 yoshda. Shunga qaramay, uni "chag‘alaylar" xarid qildi. Mavsum davomida ma’lum bo‘ldiki, klub yangishmagan. Gross o‘z jamoasi uchun eng katta golli vaziyatlarni taqdim etdi.

10. Muhammad Saloh – "Liverpul" (47 ta)

Misrlik "qirol"dan ko‘p narsa umid qilingandi. Garchand joriy mavsum, u uchun biroz past ruhda o‘tayotgan bo‘lsada, hujumchi natijalar qayd etishni kanda qilmayapti. Saloh "MYU"ga qarshi 2 ta gol va 2 ta assist qayd etgandi. "Liverpul", Saloh bilan 6 o‘rinda turibdi deyish mumkin.

ISMATOV J.