«Leypsig» himoyachisi Yoshko Gvardiol «Manchester Siti»ning yozgi transfer oynasidagi asosiy maqsadi bo‘lib qolmoqda.

Insayder Fabrisio Romanoning so‘zlariga ko‘ra, 21 yoshli futbolchini «shaharliklar» bosh murabbiyi Xosep Gvardiola va klub direktorlar kengashi jamoada ko‘rishni xohlaydi. Xorvatiyalik himoyachiga «Chelsi» va «Liverpul» ham qiziqish bildirmoqda.

Biroq, hozircha hech narsa hal qilinmagan va Gvardiolaning «Leypsig» bilan shartnomasida 2023 yilning yozi uchun to‘lov bandi yo‘q.

Himoyachi 2021 yildan beri «Leypsig»da o‘ynab kelmoqda. Joriy mavsumda u jamoa safida barcha musobaqalarda 30 ta o‘yin o‘tkazib, 3 ta gol urgan. Uning klub bilan shartnomasi 2027 yilning yoziga qadar mo‘ljallangan.