Qozog‘iston chempionatining 3-turidan o‘rin olgan qator uchrashuvlar 14 mart, seshanba kuni o‘tkazildi.

“Ordabasi” o‘z uyida “Jetisu”ni qabul qildi va o‘zbekistonlik futbolchilarning gollari evaziga g‘alaba qozondi. Uchrashuvning 18-daqiqasida Bobur Abduxoliqov maydon egalari oldinga olib chiqdi. 37-daqiqada Shahboz Umarov o‘z hisobiga gol yozdirib qo‘ydi.

Ushbu g‘alaba evaziga “Ordabasi” ochkolarini 9 taga yetkazib, yetakchilikni davom ettirmoqda.

Qo‘stanayning “Tobol” jamoasi “Shaxtyor”ga qarshi bahs yuritdi. O‘yinda O‘zbekiston terma jamoasi hujumchisi Igor Sergeev dubl qayd etdi, mehmonlar bunga so‘nggi daqiqalarda penaltidan kiritilgan to‘p bilan javob qaytardi.

“Tobol” ham ketma-ket uchta g‘alaba qayd etib, ochkolarini 9 taga yetkazib oldi.

Qozog‘iston chempionati, 3-tur bahslari
14 mart, seshanba

“Ordabasi” — “Jetisu” 2:0
Gollar: 1:0 – 18 Abduxoliqov, 2:0 – 37 Umarov.

“Tobol” — “Shaxtyor” 2:1
Gollar: 1:0 – 20 Sergeev, 2:0 – 57 Sergeev, 2:1 – 90+1, penalti Tattibayev.