Kataloniyaning "Barselona" klubiga tegishli 18 yoshli yarim himoyachi Gavi faoliyatini Angliya Premyer-ligasining top-klubida davom ettirish imkoniyatiga ega.
Goal.com portali xabariga ko‘ra, "Manchester Siti" istiqbolli futbolchi transferini tashkil qilmoqchi. Futbolchi uchun bahsda “shaharliklar”ga yana bir ingliz grandi – “Liverpul” raqiblik qiladi.
Transfermarkt Gavini 90 million yevroga baholamoqda. Yarim himoyachining "ko‘k-anorranglilar" bilan amaldagi mehnat shartnomasi muddati 2026 yilning o‘rtalarigacha hisoblangan.
Yarim himoyachi joriy mavsumda La Ligada 24 ta o‘yinda maydonga tushib, 1 ta gol va 2 ta golli uzatmani amalga oshirdi.