Каталониянинг "Барселона" клубига тегишли 18 ёшли ярим ҳимоячи Гави фаолиятини Англия Премьер-лигасининг топ-клубида давом эттириш имкониятига эга.
Goal.com портали хабарига кўра, "Манчестер Сити" истиқболли футболчи трансферини ташкил қилмоқчи. Футболчи учун баҳсда “шаҳарликлар”га яна бир инглиз гранди – “Ливерпуль” рақиблик қилади.
Transfermarkt Гавини 90 миллион еврога баҳоламоқда. Ярим ҳимоячининг "кўк-анорранглилар" билан амалдаги меҳнат шартномаси муддати 2026 йилнинг ўрталаригача ҳисобланган.
Ярим ҳимоячи жорий мавсумда Ла Лигада 24 та ўйинда майдонга тушиб, 1 та гол ва 2 та голли узатмани амалга оширди.
