“Manchester Siti” hujumchisi Erling Xoland Chempionlar ligasi 1/8 finalining “Leypsig”ga qarshi javob uchrashuvida (7:0) eng yaxshi futbolchi deb topildi.
22 yoshli norvegiyalik futbolchi o‘yin davomida beshta gol urdi.
"De Bryuyne ham bugun o‘zining to‘p uzatishlari aniqligi va ko‘rish qobiliyati bilan eng yuqori mahoratni namoyish etdi, ammo Chempionlar Ligasi o‘yinida beshta gol urish - ajoyib yutuq. Shafqatsiz yakunlangan hujumlar!" — dedi UYEFA texnik kuzatuvchilar guruhi.
“Manchester Siti” Chempionlar ligasining chorak finaliga chiqdi. Angliya jamoasining raqibi qur’a natijasiga ko‘ra aniqlanadi.
