“Манчестер Сити” ҳужумчиси Эрлинг Холанд Чемпионлар лигаси 1/8 финалининг “Лейпциг”га қарши жавоб учрашувида (7:0) энг яхши футболчи деб топилди.
22 ёшли норвегиялик футболчи ўйин давомида бешта гол урди.
"Де Брюйне ҳам бугун ўзининг тўп узатишлари аниқлиги ва кўриш қобилияти билан энг юқори маҳоратни намойиш этди, аммо Чемпионлар Лигаси ўйинида бешта гол уриш - ажойиб ютуқ. Шафқатсиз якунланган ҳужумлар!" — деди УЕФА техник кузатувчилар гуруҳи.
“Манчестер Сити” Чемпионлар лигасининг чорак финалига чиқди. Англия жамоасининг рақиби қуръа натижасига кўра аниқланади.