«Inter» yarim himoyachisi Genrix Mxitaryan Chempionlar ligasida 50 ta o‘yinda maydonga tushgan armanistonlik birinchi futbolchi bo‘ldi. Bu haqda Opta Sports xabar bermoqda.
Mxitaryan Chempionlar ligasi 1/8 finalining «Portu»ga qarshi javob uchrashuvida «Inter»ning asosiy tarkibida maydonga tushdi.
Genrix «Shaxtyor» tarkibida ushbu turnirda debyut qilgan, shuningdek, Dortmundning «Borussiya»si va «Manchester Yunayted»da o‘ynagan.
Futbolchi Chempionlar ligasida bir necha marta o‘ynagan ikki armandan biri. Krasnodarlik Eduard Spertsyan turnirning ikkita uchrashuvida ishtirok etdi.
MDH mamlakatlari futbolchilari orasida Mxitaryan o‘yinlar soni bo‘yicha 11-o‘rinni egallab turibdi.
U Vasiliy Berezuskiy (52), Taras Stepanenko (54), Aleksey Berezuskiy (55), Aleksandr Gleb (58), Igor Akinfeev (60), Yaroslav Rakiskiy (70), Andrey Pyatov (72), Aleksandr Shovkovskiy (77), Sergey Ignashevich (81) va Andrey Shevchenko (100)dan ortda.