«Интер» ярим ҳимоячиси Генрих Мхитарян Чемпионлар лигасида 50 та ўйинда майдонга тушган арманистонлик биринчи футболчи бўлди. Бу ҳақда Opta Sports хабар бермоқда.
Мхитарян Чемпионлар лигаси 1/8 финалининг «Порту»га қарши жавоб учрашувида «Интер»нинг асосий таркибида майдонга тушди.
Генрих «Шахтёр» таркибида ушбу турнирда дебют қилган, шунингдек, Дортмунднинг «Боруссия»си ва «Манчестер Юнайтед»да ўйнаган.
Футболчи Чемпионлар лигасида бир неча марта ўйнаган икки армандан бири. Краснодарлик Эдуард Спертсян турнирнинг иккита учрашувида иштирок этди.
МДҲ мамлакатлари футболчилари орасида Мхитарян ўйинлар сони бўйича 11-ўринни эгаллаб турибди.
У Василий Березуцкий (52), Тарас Степаненко (54), Алексей Березуцкий (55), Александр Глеб (58), Игорь Акинфеев (60), Ярослав Ракицкий (70), Андрей Пятов (72), Александр Шовковский (77), Сергей Игнашевич (81) ва Андрей Шевченко (100)дан ортда.