“Yuventus” bosh murabbiyi Massimiliano Allegri Yevropa ligasi 1/8 finalidan o‘rin olgan “Frayburg”ga qarshi o‘yin oldidan jurnalistlar savollariga javob berdi.
Turinliklar dastlabki bahsda o‘z maydonida 1:0 hisobida g‘alaba qozonishgandi. Javob o‘yini payshanba kuni Germaniyada bo‘lib o‘tadi.
“Yuventus” yetakchisi Di Mariya “Sampdoriya”ga qarshi so‘nggi o‘yinni jarohati tufayli o‘tkazib yubordi va Allegrining so‘zlariga ko‘ra, u keyingi uchrashuvda ilk daqiqalardanoq maydonga tusha olmaydi: “Anxel hozirda ancha yaxshi holatda, lekin uning asosiy tarkibda paydo bo‘lishi dargumon. Federiko Kyeza ham zaxira o‘rindig‘idan boshlaydi - u yaxshi mashg‘ulot o‘tkazdi va o‘zini yaxshi his qilmoqda", - dedi Allegri.
