“Ювентус” бош мураббийи Массимилиано Аллегри Европа лигаси 1/8 финалидан ўрин олган “Фрайбург”га қарши ўйин олдидан журналистлар саволларига жавоб берди.
Туринликлар дастлабки баҳсда ўз майдонида 1:0 ҳисобида ғалаба қозонишганди. Жавоб ўйини пайшанба куни Германияда бўлиб ўтади.
“Ювентус” етакчиси Ди Мария “Сампдория”га қарши сўнгги ўйинни жароҳати туфайли ўтказиб юборди ва Аллегрининг сўзларига кўра, у кейинги учрашувда илк дақиқаларданоқ майдонга туша олмайди: “Анхель ҳозирда анча яхши ҳолатда, лекин унинг асосий таркибда пайдо бўлиши даргумон. Федерико Кьеза ҳам захира ўриндиғидан бошлайди - у яхши машғулот ўтказди ва ўзини яхши ҳис қилмоқда", - деди Аллегри.
