Chempionlar ligasining 1/8 finalidan o‘rin olgan barcha o‘yinlar yakuniga yetdi. Ularning natijalariga ko‘ra sakkizta jamoa turnirning keyingi bosqichiga yo‘llanma oldi.

Kubok uchun kurashni quyidagi jamoalar davom ettiradi: «Real», «Manchester Siti», «Chelsi», «Milan», «Napoli», «Inter», «Bavariya», «Benfika».

17 mart, juma kuni Chempionlar ligasining chorak finaliga qur’a tashlash marosimi bo‘lib o‘tadi. U butunlay ko‘r bo‘ladi - keyingi bosqichlarda bir mamlakat klublari bir-biri bilan kesishishi mumkin.

2022/2023 yilgi mavsumning Chempionlar ligasi finali 10 iyun kuni Istanbulda bo‘lib o‘tadi.

E’tiborlisi, Chempionlar ligasi kubogining amaldagi sohibi «Real Madrid» hisoblanadi. O‘tgan mavsum finalida «qaymoqranglilar» «Liverpul»ni mag‘lub etgandi (1:0).