"Liverpul" murabbiylar shtabi qanot hujumchisi Luis Diasning qachon maydonga qaytishini ma’lum qildi. Jurnalist Jeyms Pirs xabariga ko‘ra, kolumbiyalik futbolchi tanaffusdan so‘ng APL doirasida "Manchester Siti"ga qarshi o‘yinda jarohat olganidan keyin ilk bor maydonga tushadi.

Ayni paytda Dias individual mashg‘ulotlarni davom ettirmoqda. Eslatib o‘tamiz, Luis ushbu mavsumning asosiy qismini jarohati sabab o‘tkazib yubordi.

Dias 2022 yilning qishida "Portu"dan "Liverpul"ga o‘tgan edi. Futbolchi mersisayd klubiga 40 million yevroga tushdi. Ushbu mavsumda vinger APLda 3 ta gol urdi va ikkita golli uzatmani amalga oshirdi.