"Arsenal" bosh murabbiyi Mikel Arteta hujumchi Gabriel Jezusni asosiy tarkibga qaytarishga shoshilmayapti. Eslatib o‘tamiz, braziliyalik futbolchi tizzasidan olgan jarohatidan yaqinda forig‘ bo‘lgan, shu sababli u uch oydan ko‘proq vaqtni o‘yindan tashqarida o‘tkazgandi.
“Biz Jezusni asta-sekin yaxshiroq formaga qaytarishimiz kerak. Uning uchun o‘yin vaqtini diqqat bilan tanlashimiz kerak. Gabriel hozir o‘zini yaxshi his qilmoqda. U tobora yaxshilanib borayotganini aytdi. Bu ijobiy signal”, dedi Arteta matbuot anjumanida.
Jezus joriy mavsumda 5 ta gol urdi va 5 ta golli uzatmani amalga oshirdi. Futbolchi "Manchester Siti"ni tark etganidan keyin "Arsenal"dagi ilk mavsumini o‘tkazmoqda.
