"Арсенал" бош мураббийи Микель Артета ҳужумчи Габриэл Жезусни асосий таркибга қайтаришга шошилмаяпти. Эслатиб ўтамиз, бразилиялик футболчи тиззасидан олган жароҳатидан яқинда фориғ бўлган, шу сабабли у уч ойдан кўпроқ вақтни ўйиндан ташқарида ўтказганди.
“Биз Жезусни аста-секин яхшироқ формага қайтаришимиз керак. Унинг учун ўйин вақтини диққат билан танлашимиз керак. Габриэл ҳозир ўзини яхши ҳис қилмоқда. У тобора яхшиланиб бораётганини айтди. Бу ижобий сигнал”, деди Артета матбуот анжуманида.
Жезус жорий мавсумда 5 та гол урди ва 5 та голли узатмани амалга оширди. Футболчи "Манчестер Сити"ни тарк этганидан кейин "Арсенал"даги илк мавсумини ўтказмоқда.
