"Manchester Yunayted" rahbariyati jamoani kuchaytirish imkoniyatlari ustida ishlamoqda. "Betis" yarim himoyachisi Gido Rodriges "qizil iblislar"ning nishoniga aylandi, deya xabar beradi Todofichajes. Ispaniya klubi 28 yoshli futbolchini 30-35 million yevroga sotishga tayyor.
Aytish joizki, Gido Rodriges dekabr oyida Argentina terma jamoasi tarkibida jahon chempioniga aylangandi.
Futbolchi “Betis” safida 130 ta o‘yin o‘tkazib, 6 ta gol urdi va sheriklariga 3 ta samarali uzatma berdi.