FIFA 2025 yildan boshlab yangi ko‘rinishda o‘tkaziladigan klublar o‘rtasidagi jahon chempionatining formatini tasdiqladi.

Ushbu turnirda 32 ta klub ishtirok etadi va har 4 yilda bir marta o‘tkaziladi. Turnirda ishtirok etish huquqi quyidagi jamoalarga beriladi:

Osiyo, Afrika va KONKAKAF qit’asining klublar o‘rtasidagi eng nufuzli turnirida so‘nggi 4 mavsumda g‘oliblikni qo‘lga kiritgan jamoalar — jami 12ta.

KONMEBOL mintaqasida Libertadores kubogining so‘nggi 4 mavsumdagi (2021-2024) g‘oliblari va mintaqaning so‘nggi 4 mavsumdagi klublar reytingida yuqori 2 o‘rinni egallagan klub — jami 6ta.

Yevropa qit’asida Yevropa chempionlar ligasining so‘nggi 4 mavsumdagi g‘oliblari va UYEFAning so‘nggi 4 mavsumdagi klublar reytingida yuqori 8 o‘rinni egallagan klub — jami 12ta.

Okeaniya mintaqasida so‘nggi 4 mavsumdagi klublar reytingida yuqori o‘rinni egallagan 1ta klub.

Mezbon — 1 klub.

Ushbu taqsimot orqali turnirda ishtirok etadigan 9ta jamoaning nomi hozirdan ma’lum. Ular:

«Chelsi» (Angliya) — YECHL g‘olibi — 2020/21;
«Real» (Ispaniya) — YECHL g‘olibi — 2021/22;
«Palmeyras» (Braziliya) — Libertadores kubogi g‘olibi — 2021;
«Flamengo» (Braziliya) — Libertadores kubogi g‘olibi — 2022;
«Al-Ahli» (Misr) — Afrika chempionlir ligasi g‘olibi — 2020/21;
«Vidad Kasablanka» (Marokash) — Afrika chempionlir ligasi g‘olibi — 2021/22;
«Monterrey» (Meksika) — KONKAKAF chempionlir ligasi g‘olibi — 2021;
«Sietl Saunderz» (AQSH) — KONKAKAF chempionlir ligasi g‘olibi — 2022;
«Al-Hilol» (Saudiya Arabistoni) — Osiyo chempionlir ligasi g‘olibi — 2021.

Shu bilan birgalikda, FIFA har yilgi 7 jamoa ishtirokidagi klublar o‘rtasidagi JCHni o‘tkazishda davom etadi.