Tyerri Anri Fransiya ayollar terma jamoasini boshqarish taklifini qabul qilmadi.
“Shaxsan men undan bu haqda so‘radim va javob ijobiy bo‘lmadi. Anri ayollar jamoasining murabbiyi bo‘lmasligi aniq. O‘ylaymanki, u yana bir yangi loyihani o‘z zimmasiga oladi”, — dedi Fransiya futbol federasiyasi rahbariyati a’zosi Jan-Mishel Olas.
ESPN xabariga ko‘ra, "Arsenal"ning sobiq hujumchisi yanvargacha Gregg Berxalter murabbiylik qilgan AQSH terma jamoasini boshqarishni istamoqda.
Anri Belgiya terma jamoasi bosh murabbiyi yordamchisi bo‘lib ishlagan, o‘zi esa “Monako” va “Monreal” bosh murabbiyi bo‘lgan.
