"Barselona" va "Inter" vakillari uchrashib, ehtimoliy kelishuvlarni muhokama qilishdi.
Diario Sport xabariga ko‘ra, Portugaliyada bir tomondan Joan Laporta va Mateu Alemani, ikkinchi tomondan Beppe Marotta va Per Ausilio o‘zaro muloqot qilishgan.
Ular "neradzurrilar"ning yarim himoyachi Frank Kessie, himoyachilar Jordi Alba va Samuel Umtitiga bo‘lgan qiziqishlarini muhokama qilishdi.
"Barselona" yarim himoyachisi Kessie milanliklar yarim himoyachisi Marselo Brozovichga almashtirilishi mumkin.
Alba masalasida "Inter" kataloniyaliklar futbolchini kelasi yozda tekinga qo‘yib yuborishiga umid qilmoqda. Umtiti bilan ham vaziyat xuddi shunday.