Madridning «Real» klubi Angliya premyer-ligasidan qiziqish bo‘layotgan yarim himoyachi Eduardo Kamavingani sotishni rejalashtirmayapti.
«Kamavinga sotilmaydi. Ishonchim komilki, kelajakda u «Real»da qoladi. Ba’zida u o‘yinlarda xato qiladi, lekin yaxshi o‘yinlari ko‘proq. Eduardo tezda o‘zining noto‘g‘ri qadamlarini to‘g‘irlaydi», - dedi Anchelotti.
20 yoshli yarim himoyachi «qirollik klubi»da 2021 yilning avgust oyidan buyon o‘ynamoqda. Tomonlar o‘rtasidagi amaldagi shartnoma 2027 yilning iyun oyi oxirida tugaydi. Fransiyalik futbolchining transfer narxi 50 million yevroga baholanmoqda.
