Мадриднинг «Реал» клуби Англия премьер-лигасидан қизиқиш бўлаётган ярим ҳимоячи Эдуардо Камавингани сотишни режалаштирмаяпти.
«Камавинга сотилмайди. Ишончим комилки, келажакда у «Реал»да қолади. Баъзида у ўйинларда хато қилади, лекин яхши ўйинлари кўпроқ. Эдуардо тезда ўзининг нотўғри қадамларини тўғирлайди», - деди Анчелотти.
20 ёшли ярим ҳимоячи «қироллик клуби»да 2021 йилнинг август ойидан буён ўйнамоқда. Томонлар ўртасидаги амалдаги шартнома 2027 йилнинг июнь ойи охирида тугайди. Франциялик футболчининг трансфер нархи 50 миллион еврога баҳоланмоқда.
