Gana poytaxti Akkrada Turkiyadagi zilziladan so‘ng vafot etgan «Xatayspor»ning sobiq yarim himoyachisi Kristian Atsu bilan vidolashuv marosimi bo‘lib o‘tdi.
18 fevral kuni Xatayda vayronalar ostidan 31 yoshli ganalik fuqaroning jasadi topildi, futbolchini 11 kun davomida topishning iloji bo‘lmadi.
BBC xabariga ko‘ra, marosimda futbolchining yaqinlaridan tashqari Gana prezidenti Nana Akufo-Addo, milliy terma jamoa bosh murabbiyi Kris Xyuton, yarim himoyachining sobiq jamoadoshlari va yuzlab muxlislar ishtirok etgan.
Atsu o‘zining tug‘ilgan shahri Gananing Ada shahrida dafn etilgan.
Atsu «Xatayspor»dan tashqari «Chelsi», «Portu», «Everton» va «Nyukasl» klublarida to‘p tepgan. U Gana terma jamoasi safida 60ta o‘yinda maydonga tushib, 10ta gol urgan.