Гана пойтахти Аккрада Туркиядаги зилзиладан сўнг вафот этган «Хатайспор»нинг собиқ ярим ҳимоячиси Кристиан Атсу билан видолашув маросими бўлиб ўтди.
18 февраль куни Хатайда вайроналар остидан 31 ёшли ганалик фуқаронинг жасади топилди, футболчини 11 кун давомида топишнинг иложи бўлмади.
BBC хабарига кўра, маросимда футболчининг яқинларидан ташқари Гана президенти Нана Акуфо-Аддо, миллий терма жамоа бош мураббийи Крис Хютон, ярим ҳимоячининг собиқ жамоадошлари ва юзлаб мухлислар иштирок этган.
Атсу ўзининг туғилган шаҳри Гананинг Ада шаҳрида дафн этилган.
Атсу «Хатайспор»дан ташқари «Челси», «Порту», «Эвертон» ва «Ньюкасл» клубларида тўп тепган. У Гана терма жамоаси сафида 60та ўйинда майдонга тушиб, 10та гол урган.