"Barselona" vingeri Usmon Dembelega "Manchester Yunayted" jiddiy qiziqish bildirmoqda.

So‘nggi paytlarda OAVda futbolchining Angliyaga ko‘chib o‘tishi mumkinligi haqida xabarlar paydo bo‘ldi, bir qator klublar unga da’vo qilmoqda. Fichajes xabariga ko‘ra, "Manchester Yunayted" 25 yoshli fransiyalik futbolchining "Barselona" bilan amaldagi shartnomasi bo‘yicha 50 million yevro tovon puli to‘lashga rozi bo‘lgan. Tovon puli iyul oyidan boshlab kuchga kiradi.

Shuningdek, “ko‘k-anorranglilar” rahbariyati futbolchi bilan xayrlashishga tayyorligi, chunki bu klubning moliyaviy muammolarini hal qilishga yordam berishi ta’kidlangan.

Usmon Dembele joriy mavsumda 28 ta o‘yinda maydonga tushib, 8 ta gol va 7 ta golli uzatmaga mualliflik qilgan.